زامل سيل العرم – عيسى الليث

زامل “سيل العرم “

أداء | عيسى الليث
‏
كلمات | عزيز الردماني
‏ •••••••••••••••

ثلاثه اعوام مرت ماحد اتزحزح
والمرتزق ماتقدم شبر في صرواح

إذا السعودي جنح للسلم بانجنح
ون ماجنح من صباح الصبح يا فتاح

سيل العرم في ذنه والسد با يقرح
وإلا قرح شل هادي والحقة بحاح

لعاد يامرتزق تجمع ولا تطرح
المسألة مسألة قسمه وجني ارباح

وحنا رجال اليمن ف لجد مانمزح
وعندنا الحرب لاشبت سلا وافراح

نختار من بين الأقواس الخطأ والصح
ونعرف المرتزق والسارق المزاح

وقروننا حيدريه شامخة تنطح
مايقبض ارواحنا الا قابض الأرواح

والناس مثل الروايح شمها ينفح
ويميزالعود الاصلي شمه الفواح

الشعب ماسك بحبل الله واتسلح
بقوة الله وحده فالق الاصباح

مادام والله معنا والبغم تقرح
اعداء اليمن بانقرح روسهم قراح

ومن تولى النبي وآله ربح وافلح
ومن تولى النصارى واليهودي طاح

حفيد طه بروقه ف السما تلجح
وبارق النصر قدامه وخلفه لاح

إقرأ إذا ضاقت الدنيا ألم نشرح
ولظلمت آية المشكاه والمصباح

وطالما كل شي مقسوم لاتفرح
بما أتى لك ولاتندم على ماراح

والنفس تصلح إذا الباري رضي واصلح
والشكرلزيادة ارزاق البشر مفتاح

ومن تولى النبي وآله ربح وافلح
ومن تولى النصارى واليهودي طاح

الحق غلاب والغشاش مايربح
والجود والصدق يبقى يشفي الاجراح

من قال حيا على خير الفلاح افلح
ومن تواضع مع الناس افتهن وارتاح