مونتاج زامل الصمود الخارق | عيسى الليث – 1442هـ

زامل | الصمود الخارق 

كلمات | عبدالسلام المتميز
أداء | عيسى الليث
‏ •••••••••••••••
قل للامريكي وصهيون اسمعوا منا الإجابة،
وأنتوا الإرهاب والإجرام والمستكبرينا.

والله أنا ما نخاف الكفر ما نحسب حسابه،
ويش باقي ما فعلتوا ضدنا يا مجرمينا.

لأننا نمشي مع الباري على منهج كتابه،،
والثقة بالله ما يمكن تزعزعها السنينا.

ما قطع حبله ولا غلق على الأنصار بابه،
حي قادر منتقم والله خير الناصرينا.

ذي على ايدينا يأدبكم ويسقيكم عقابه،،
ذي بفضله ما ركعنا للحصار و مانلينا.

هات جيشك هات واحنا بانطيب الحرب طابة،،
وأنت داري كم بساحات الشرف رحنا وجينا.

أنتوا أرباب الجرايم وأنتوا مجرد عصابة،،
وأنتوا أصل الشر والعالم عليكم شاهدينا.

ويش باقي من جيوش البغي ما جبتو كلابه،
ويش باقي من سلاح ومكر ما سقتوا علينا.

ما نفع فرعون ما روج على موسى وجابه
صنفوه ارهابي وصاروا ببحره غارقينا.

بالعصا شق الله لموسى البحَر يطوي عُبابه،
وبعصا شق الحجر تجري برزق المؤمنينا.

لا غرابة نرهبك بصمود خارق لا غرابة،
بعدما كنتوا بتطويع الأمم متحكمينا.